Nakikipagtitigan sa blangkong monitor,
habang nakikipaglaro sa keyboard
Bago nagpapatugtog ng gospel songs
at bubuksan ang Google Chrome.
Bubuksan ang notepad,
gagawa ng outline
habang maya’t maya’y nag-Alt+Tab
puntang Chrome.
Makikipagtitigan muli sa blangkong monitor,
saka gagawa ng musika
mula sa paulit-ulit na pagdiin
ng mga daliri sa keyboard.
Papalitan ang musika sa Media Player
ng playlist na Pavarotti
babalikan ang nadumihang monitor,
bubusisiin ang retorika ng bawat linya
saka Ctrl+C at Ctrl+V ang buong piyesa.
DAY 7
This work is licensed under a Creative Commons Attribution-NoDerivs 3.0 Unported License.